Hesablama texnikası və proqramları

Qazla işləyən, kondensasiya tipli, divarüstü quraşdırılan istilik qazanı olmalıdır. Avadanlıq inzibati, tədris və digər qeyri-yaşayış binalarının istilik sistemlərində istifadəyə yararlı olmalıdır. Qazanın gücü 115 kVt sinfində olmalıdır. Nominal istilik gücü 80/60°C temperatur rejimində ən azı 100 kVt, maksimal istilik gücü ən azı 107 kVt, minimal istilik gücü isə 16,6 kVt-dan çox olmamalıdır. Qazan 16–100% modulyasiya imkanına malik olmalıdır. Faydalı iş əmsalı ən azı 96% olmalıdır. Qazan təbii qazla işləməli, 230 V, 50 Hz elektrik şəbəkəsindən qidalanmalıdır. Maksimal işçi temperaturu ən azı 110°C olmalıdır. Tam yüklə elektrik sərfiyyatı 200 Vt-dan çox olmamalı, gözləmə rejimində isə 10 Vt-dan çox olmamalıdır. Elektron idarəetmə və təhlükəsizlik sistemlərinə, həmçinin kaskad qoşulma imkanına malik olmalıdır. Təklif olunan məhsul üzrə istehsalçıdan, rəsmi distribyutordan və ya səlahiyyətli tərəfdaşdan MAF sənədi təqdim edilməlidir. Qeyd: Göstərilən tələblər minimum texniki göstəricilərdir. Tələblərə uyğun, alternativ və ya daha üstün texniki göstəricilərə malik avadanlıqlar qiymətləndiriləcəkdir.