Yeni oturacaqların satın alınması

Oturacaq gündəlik intensiv inzibati və ofis istifadəsi üçün nəzərdə tutulmalı, istifadəçinin rahat və düzgün oturuşunu təmin edən konstruksiyaya malik olmalıdır. Oturacaq 360° fırlanma imkanına malik olmalı, arxalıq hissəsi nəfəsalan, elastik və aşınmaya davamlı tor materialdan, oturacaq hissəsi isə yüksək elastikliyə malik, sıxlıq göstəricisi minimum 30 olan süngər üzərində davamlı parça üzlükdən hazırlanmalıdır. Oturacağın bel nahiyəsini dəstəkləyən və hündürlük üzrə minimum 4 sm tənzimlənmə imkanına malik bel dayağı olmalıdır. Başlıq hündürlük üzrə minimum 5 sm tənzimlənə bilməli, qolçaqlar minimum 2 istiqamətdə tənzimlənmə imkanına malik olmalıdır. Arxalıq əyilmə funksiyasına malik olmalı, söykənmə bucağının tənzimlənməsi minimum 90°–135° diapazonunu əhatə etməli və əyilmə gərginliyinin tənzimlənməsi mümkün olmalıdır. Oturacaq pnevmatik hündürlük tənzimləmə sistemi ilə təchiz edilməli, qazlift minimum 3-cü sinif olmalıdır. Əsas hissə beşşüalı, yüksək möhkəmliyə malik neylon, metal və ya ekvivalent davamlı materialdan hazırlanmalı, hərəkət üçün minimum 5 ədəd təkərlə təchiz edilməlidir. Təkərlər aşınmaya davamlı PA, PU və ya ekvivalent materialdan hazırlanmalı, diametri 50–65 mm aralığında olmalıdır. Oturacağın ümumi hündürlüyü 110–125 sm, oturacaq hissəsinin yerdən hündürlüyü 43–57 sm, oturacaq hissəsinin eni 48–54 sm, dərinliyi 47–53 sm, arxalıq hissəsinin hündürlüyü başlıq nəzərə alınmadan 60–70 sm, oturacağın ümumi eni 60–70 sm, ümumi dərinliyi 52–65 sm aralığında olmalıdır. Oturacağın yük götürmə qabiliyyəti minimum 130 kq olmalıdır. Konstruksiya sabit, davamlı və gündəlik intensiv istifadəyə uyğun olmalıdır.